http://Gobisumber.gov.mn

Говьсүмбэр аймаг нь Эзэн Чингис хааны алтан ургийн Боржигон угсаатны гал голомтоо бадраасан, эрдэм ухаан, шастир түүхийн уламжлалтай өлгий нутаг юм. Боржигон нутгаас өөр хаана ч давтагдашгүй түүхэн уламжлалаа хадгалж, хойч үедээ өвлүүлэх нь өнөөгийн бидний эрхэм зорилго хэмээн Говьсүмбэрчүүд бид үздэг. Аймаг байгуулагдсан он цагийн тоолол богино ч говьсүмбэрчүүд улс орныхоо ачааг үүрэлцэх хат сууж их бүтээн байгуулалтын эрчмээр бүс нутгийнхаа төдийгүй улс орныхоо хөгжлийн томоохон төв болон хөгжиж байгаадаа бахархнам. Бид нутаг орныхоо хөгжилд иргэдийнхээ оролцоог дээдлэн, тэдэндээ түшиглэн хөгжинө гэдэгт итгэнэм.

Эрхэм танд

Уужран цэлийх тал нь
Уртын дууны шуранхайтай
Унаган хүлгийн үүрсээ нь
Ургах нарны даллагатай
Сүлд хийморь өөдрөг нийт говьсүмбэрчүүдийнхээ халуун мэндийг дэвшүүлж байна.

  ГОВЬСҮМБЭР АЙМГИЙН ЗАСАГ ДАРГА                    Ж.БАЯНМӨНХ